Fjörið hefur verið flutt á

800 BAR

1000kall inn
Frír bjór til klukkan 23:00 
Allir fá stimpil og þar af leiðandi frítt á ballið með

Vítamín

Engin skráning, bara mæta með góða skapið  

Mæting kl. 20:30

Árgangur ´82 á staðinn til kl. 23:00

http://www.myspace.com/800bar

Þema kvöldsins: sól og sumar. Skærir litir, sólgleraugu, hattar, sandalar og fleira sumarlegt

Ástæða breytinganna er sú að ekki fékkst næg þáttaka til að halda tilboðinu við Golfskálann, þar af leiðandi var talað við skólafélga okkar hann Árna Steinars og bauð hann okkur uppá þetta frábæra tilboð.

Þeir sem hafa nú þegar borgað fá endurgreitt þann 3.júní.

Vonum að allir þeir sem að voru búnar að skrá sig mæti þrátt fyrir breytingarnar.

Fjölmennum og hvetjum skólafélaga okkar til að mæta

Nefndin

Í dag er seinasti dagurinn til að skrá sig á bekkjarmótið!!!
Þeir sem ekki eru búnir að skrá sig eru hvattir til að drífa í því. 

Kv. Nefndin

Sökum Suðurlandsskjálftans höfum við í nefndinni ákveðið að lengja frestinn til að skrá sig á bekkjamótið til:

1.júní kl.00.00.

Enn eru einhverjir sem ekki vita af hittingnum. Verið dugleg að heyra í fólki og láta þetta berast! Minnum á mailið - argangur82@gmail.com

Með von um að allir séu við góða heilsu,
Nefndin

Tíminn flýgur áfram og erum við að leggja lokahönd á undirbúningin fyrir bekkjamótið!

Kvöldið byrjar um klukkan 19:00 á léttu nótunum, síðan gæðum við okkur á glæsilegu hlaðborði og rifjum upp gamlar æskuminningar úr gaggó. Stórskemmtilegur trúbador kíkir á okkur og spilar fyrir okkur létta smelli fram að miðnætti.

Eftir svakalegt fjör og mikinn hlátur verður fjörið flutt yfir á BAR-800 þar sem að þeir sem að hafa eitthvað þol eftir munu tjútta fram á morgun

Skráningu líkur kl:23:59:58

þann 29.maí 2008.

Skráið ykkur með því að senda okkur línu á:
argangur82@gmail.com

Ekki bíða fram á seinustu stundu til að skrá ykkur

Sjáumst hress og kát eftir rúma viku

Nefndin

Núna eru aðeins 3 vikur í stóru stundina og er nefndin búin að sitja sveitt að plana kvöldið.
Við vorum að spá í að biðja um aðstoð ykkar við eitt, okkur langar rosalega að fá myndir frá ykkur! Skemmtilegar myndir úr ferðum, bekkjarpartýum, úr tímum í skólanum eða hvaða myndir sem er frá þessum árum! Kíkið því í gömul myndaalbúm og ath hvort þið finnið ekki skemmtilegar myndir. Ef þið hafið ekki aðgang að skanna þá getiði sent eða komið myndunum til einhverrar okkar í nefndinni myndirnar og við reddum þeim yfir á tölvutækt form.

Golfskálinn þarf að vita hver fjöldinn verður viku fyrir, uppá matinn að gera. Það verður því að láta vita með e-mail fyrir 30. maí (argangur82@gmail.com) um hvort þið ætlið að koma. Drífið nú í því að senda e-mail svo þið gleymið því nú ekki

Ef þið vitið um einhverja í árganginum sem ekki vita af þessu (eða ef ykkur grunar að viti ekki) þá endilega látið þetta berast. Því fleiri sem koma því skemmtilegra!

Endilega ef þið hafið hugmyndir fyrir kvöldið látið okkur vita og hjálpið okkur að gera kvöldið sem skemmtilegast

Verð og greiðslumöguleikar koma inn á síðuna í næstu viku.

Kv. Nefndin
Berglind, Helga Dóra, Gulla, Jóhanna Fr. og Jóhanna Ýr

Þá er komið að því að duglega nefndin flytji ykkur fréttir

Ákveðið hefur verið að halda árgangsmótið föstudaginn 6.júní og verður það haldið í Golfskála Selfoss og byrjar það kl.19:00 og verður eitthvað frameftir. Glæsilegur matseðill verður í boði og einnig verða stórskemmtileg skemmtiatriði .

Nefndin er núna að vinna að því að setja saman verð og verða allar nánari upplýsingar um það og mótið komnar inn um miðja næstu viku.

Hvað segið þið? Líst ykkur ekki vel á þetta? Við erum alveg handviss um að þetta verði heljarinnar stuð og hvetjum alla til að mæta svo þetta verði sem skemmtilegast

Kv. Nefndin

Í kvöld sendum við sms á nánast alla í árganginum sem útskrifaðist úr 10 bekk 1998. Einhverjir reyna að fela númerin sín vel og vandlega svo erfitt reynist að hafa upp á þeim en vonandi skilar þetta sér til allra. Við vinnum að því að fá húsnæði, veitingar, skemmtiatriði og festa dagsetningu. Þeir sem fengu sms vinsamlegast kvittið svo við vitum ca hverjir hafa fengið skilaboð og vita af þessu.!!! Látið þetta berast. Vinsamlegast skiljið eftir fullt nafn í athugasemdum svo við getum merkt við í kladdann

hlökkum til að sjá sem flesta og skál í botn og restin í hárið
kveðja nefndin

er á fullu þessa dagana að vinna í að finna samastað, skemmtiatriði o.fl.
Ákveðið hefur verið að halda þetta mót í júní og verður dagsetningin ljós á næstu dögum, við lofum! En verið er að ganga frá nokkrum smáatriðum svo hægt sé að festa endanlega dagsetningu. Einnig er nefndin að vinna í því að grafa upp upplýsingar um fólkið í árganginum svo sem flestir fái að vita af þessu öllu saman.
Nefndin er komin vel af stað með að plana þetta allt og við vitum að þetta verður rosa stuð

Við viljum benda fólki á að senda endilega inn gamlar myndir á argangur82@gmail.com svo þessi síða verði ennþá skemmtilegri en hún er nú þegar.
Og endilega verið dugleg að kommenta :)

Kv. Nefndin

Nefndin er búin að hittast og vildum við láta vita að það koma inn frekari fréttir um miðja næstu viku.

Kv. Nefndin